Allah ji k naam...

Ilahi Teri Chokhat Pr Bhikari Ban K Aya Hon..
Sarapa Faqr Hon, Ijz-O-Nadamat Saath Laya Hon..

Bhikari W0 K Jis Ke Paas Jholi Hy Na Payala Hy..
Bhikari W0 Jise Hiras-O-Hawas Ne Maar Dala Hy..

Mata-E-Deen-O-Danish, Nafs Ke Hathon Se Lutwa Kr..
Sakoon-E-Qalb Ki Daulat Hawas Ki Bhaint Charhwa Kr..

Luta Kr Sari Poonji Ghaflat-O-Issyan Ki Daldal me...
Sahara Lene Aya Hon Tere Kaabay K Aanchal me..

Gunahon Ki Lipat Se, Kainat-E-Qalb Afsurda..
Iraaday Muz'mehel, Himmat Shikasta, Hoslay Murda..

Kahan Se Laon Taqat Dil Ki Sachi Tarjumani Ki..
K Kis Janjal me Guzri Hain Ghariyan Zindgani Ki..

Khulasa Ye Ke Bs Jal Bhun K Apni Roo-Sayahi Se..
Sarapa Faqr Ban Kr Apni Haalat Ki Tabahi Se..

Tere Darbar me Laya Hon Apni Ab Zaboon-Haali..
Teri Chokhat K La'iq Hr Amal Se Hath Hain Khaali..

Ye Tera Ghar Hy, Tere Mehr Ka Darbar Hy Maula..!!
Sarapa Noor Hy, Ik Mohabat-E-Anwaar Hy Maula..!!

Teri Chokhat K Jo Adaab Hain, Me Un Se Khaali Hon..
Nhi Jis Ko Saleeqa Mangane Ka, W0 Sawali Hon..

Zubaan Ghalt-E-Nadamat Dil Ki Na'kas Tarjumani Pr..
Khudaya! Reham Meri Is Zaban-E-Ijz-Zabani Pr..

Ye Ankhen Khushk Hain, Ya Rab Inhen Rona Nhi Aata..
Sulagte Daagh Hain Dil me Jinhen Dhona Nhi Aata..

Ilahi Teri Chokhat Pr Bhikari Ban K Aya Hon..!!
Sarapa Faqr Hon, Ijz-O-Nadamat Saath Laya Hon..!!